Sita ke Ram, Radha ke Shyam,
Mira ke Giridhara Nagara, Sura ke Ghanashyam;
Sita ke Ram, Radha ke Shyam. (refrein)

Mahalo ka sukha chora Siya ne
Rama ka satha nibhaya,
Lakshmi ne dhara rupa Siya ka
jaga ka papa mitaya. (2X)
Bana diya tha is dharati ko
Rama-bhakti ka dham.
Sita ke Ram…

Radha ne Shri Shyamasundar sanga
aisa rasa racaya,
tina loka me Shyam aur Radha
ka rupa samaya. (2X)
Koti koti bhakto ke mukha par
Radhe-Shyam ka nam.
Sita ke Ram…

Mira ne mahalo ki jhuthi
mahima ko thukaraya,
tora jagata ke bhandan apne
Ghiridhara ko apanaya. (2X)
Prema divani Mira ko
karate hai bhakta pranam.
Sita ke Ram…

Sita Radha aur Mira ke sabse nyare Svami,
sabse nyare, saba ke pyare Svami antaryami. (2X)
Sada banaya karte Prabhu ji saba ke bigare kam.
Sita ke Ram… .