भजु रघुवर श्याम युगल चरना || टेक ||
इतहि अयोध्या निर्मल सरयू उत मथुरा शीतल यमुना || १ ||
इतमें दशरथ कुँवर कहाये उतै कहाये नंदके ललना || २ ||
इतहि कौशल्या गोद खेलावै उतमें यशोदा झुलावै || ३ ||
इतमें कीट मुकुट शिर राजै उतमें मोरमुकुट धरना || ४ ||
इतमें धनुष बाण कर राजै उत मुरली मुखपर धरना || ५ ||
इतमें चरण अहल्या तारी उतमें कुब्जा सँग कियो रमना || ६ ||
इतमें जानकी बायें विराजै उत राधे संग कियो रमना || ७ ||
इतमें सागर शील उतराये उत गिरिवर नखपर धरना || ८ ||
इतही राम रावणहिं मारयो उतही कंस पछारयो ललना || ९ ||
इतमें राज विभीषन दीन्हीं उत उग्रसेन को कियो अपना || १० ||
इत तुलसी उत सुर कहायो युगल चरण पर चित धरना || ११ ||

Bhaju raghuvar shyām yugal charnā (tek).
Itahi ayodhyā nirmal saryū mathurā shītal yamunā. (1)
Itamen dashrath kunvar kahāye utai kahāye nandke lalanā. (2)
Itahi kaushalyā god dekhāvai utmen yashodā jhulāvai palanā. (3)
Itamen krīt mukut shir rājai utmen mormukut dharnā. (4)
Itamen dhanush bān kr rajai ut murlī mukhpar dharnā. (5)
Itamen charan ahalyā tārī utmen kubjā sang kiyo ramana. (6)
Itamen jānakī bāye virājai ut rādhe sang kiyo ramana. (7)
Itamen sāgar shīl utarāyo ut girivar nakpar dharnā. (8)
Itahi rām rāvanhin māryo utahi kans pachhāryo lalanā. (9)
Itamen rāj vibhīshan dīnhin ut ugrasen ko kiyo apnā. (10)
It tulsī ut sur kahāyo yugal charan par chit dharnā. (11)